PASCUA

Para celebrar que xa chegaban as vacacións da Pascua , pintamos un pitiño e metémolo no seu ovo.
Esperamos que nos regalen un de chocolate!.

PLANTAMOS LEITUGAS

O mércores 25 de marzo fomos á horta plantar cebolas.
Primeiro sachamos a terra para removela un pouco.
Despois, hai que facer os regos, botar abono que é a comida da planta e poñer a semente.Despois hai que tapalo e regar.
E a esperar que medren as nosas leitugas.

XOGOS CON BEBÉS

A XOGAR!

BAÑAMOS AO BEBÉ

Esta semana fixemos unha actividade sobre o bebé que nos gustou moito: bañámolo.
Primeiro fomos comprobar cómo estaba a auga, botamos a quente e despois a fría. Usamos o termómetro e o cóbado para comprobar que a temperatura era a correcta.
Despois, puxemos unha toalla para que o bebé non resbale, botamos un pouquiño de xabrón e bañámolo con moito coidado.
Para rematar secámolo moi amodiño, puxémoslle o pañal e vestímolo.

DOMUS

O mércores 25 fomos á Domus.
Alí puidemos experimentar con moitas cousas: tocamos a barriga dunha mamá , sentimos cómo se movía o bebé e vimos un parto.Tamén había un home moi alto ( medía  2' 73m) e era o máis alto do mundo que nos impresionou moitísimo.Xogamos con máquinas de precisión , coordinación , pintamos nunha pizarra máxica empregando os dedos pero o que máis nos gustou foi poder chutar co balón para poder medir a nosa forza.
Pasámolo moi ben e disfrutamos moito.

FOMOS BOTAR UNHA CARTA AO CORREO

O mércores 18 de marzo fomos botar unha carta ao correo.
É  a maneira de aprender que as cartas métense nun sobre, despois ponse o destinatario que é a nosa familia e no remite poñemos o noso nome.
Esperamos que en pouco tempo vos chegue unha sorpresa.

CONTO EN BRAILLE: EL ÁRBOL MÁGICO

A semana pasada, Eva a profe de prácticas dos coelliños, leunos un conto moi especial: El árbol mágico que estaba en braille.
Aprendimos que as persoas cegas como non poden ver , empregan un sistema distinto ao noso basado nuns puntiños e ao tocalo saben de qué letra se trata: É  o sistema braille.
Encantounos o conto e serviunos para darnos conta da sorte que temos de poder ver porque todo nos resulta máis doado.

BIBLIOTECA DEL CASTRILLÓN

O mércores fomos á biblioteca do Castrillón.
Queríamos saber porqué rapan ás ovellas.A ovella Tecelá mandounos unha carta na que dicía que estaba moi preocupada porque non sabía o qué lle ían facer e nós quixemos axudala.
Na biblioteca explicáronnos que hai contos e libros informativos nos que aparecen as auténticas ovellas.
Neses libros aparece a razón para rapar as ovellas:facer despois abrigos, luvas, xerseis coa súa la.
Canto aprendemos das ovellas!
Despos fixémonos unha foto coa nosa amiga a ovella.

8 DE MARZO: DÍA DA MULLER TRABALLADORA

Hoxe na clase dos gatiños falamos do que se celebrou onte 8 de marzo.
Ese día celébrase o Día da Muller Traballadora.Explicáronnos que hai mulleres que fixeron cousas moi importantes e que loitaron pola igualdade de homes e mulleres.
Tamén vimos o conto de "Rosa Caramelo" que é un conto que fala da igualdade.

  

Tamén vimos un precioso vídeo de Luar na Lubre que é unha homenaxe ás  mulleres traballadoras.          

                            

                                                   

OBRADOIRO DE CONSUMO:AS CATRO ESTACIÓNS

O xoves 5 de febreiro tivemos un obradoiro de consumo relacionado coas catro estacións.
Foi moi divertido e xogamos coas prendas que son distintas en cada época do ano.
Despois vimos un conto no que os personaxes vestían con roupa de época eno que estaban as meninas.
Démonos conta de que en cada país teñen unha vestimenta típica e dixémoslle á monitora que os chineses non vestían coma nós.